Daha yaxşı yatmaq üçün hər səhər etməli olduğunuz 6 ADDIM

Tarix: 19 Dekabr 2023 06:27

Zəif yuxu müəyyən vərdişlər və gündəlik cədvəldəki "səhvlər" səbəbindən baş verə bilər. Gecələr yatmaqda çətinlik çəkirsinizsə, bu məsləhətləri sınayın.

Sonxeber.net lent.az-a istinadən xəbər verir ki, zəif səhər vərdişləri yuxunuzun keyfiyyətinə mənfi təsir göstərə bilər.

Səhər saatlarında nəzərə alınmalı olan bəzi vacib addımlar bunlardır:

1. Daimi oyanma vaxtı. Həftə sonları da olsa, hər səhər eyni vaxtda oyanmaq vacibdir. Bu, bədənin yuxu-oyanma dövrünü yaxşılaşdırmağa kömək edir. Vaxt intervalı 30 dəqiqədən bir saata qədər dəyişə bilər.

2. Yenidən yatmaqdan imtina. Bir neçə dəqiqə daha yatmaq istəyi güclü ola bilər, lakin bu, yalnız yuxululuq hisslərinizi artıracaq və səhər performansınıza mənfi təsir göstərəcək.

3.Günəş işığının alınması. Yuxudan oyandıqdan sonra ilk saat ərzində təbii işığa məruz qalmaq bədəninizin sirkadiyalı ritmini tənzimləməyə kömək edir. Bu da sizi səhərlər daha oyanıq olmağınıza və gecələr isə normal yuxuya kömək edəcək. İşıq yuxu ilə əlaqəli olan melatonin hormonunun istehsalına mane olur.

4. Yatağın yığılması. Hər səhər yatağınızı düzəltmək daha yaxşı yatmağınıza kömək edir. Qarışıqlıq stresli və diqqəti yayındıra bilər. Həmçinin, işdən sonra səliqəli və baxımlı evə qayıtmaq, yatmazdan əvvəl vacib olan sakitlik hissini təşviq edir.

5. Səhər yeməyi. Səhər yeməyi, xüsusilə zülal və liflə zəngin bir yemək, günün ilk yarısında özünüzü daha ayıq hiss etməyə və keyfiyyətli yuxuya kömək edir. Belə səhər yeməyinə misal olaraq omlet, meyvə və qoz-fındıq ilə yunan yoğurtunu göstərmək olar.

6. Səhər məşqi. Səhər idman etmək yuxuya müsbət təsir edir, axşam idman etmək isə orqanizmə enerji verə bilər. Oyandıqdan sonra ilk saat ərzində çöldə məşq etsəniz, günəş işığına məruz qalmanın əlavə faydasını əldə edəcəksiniz.