Aktual mövzular: Dollar alış-satışı, Məzənnə, Neftin qiyməti

İlahi təqdir heç zaman məğlub olmaz

İlahi təqdir heç zaman məğlub olmaz

Tarix: 30 Dekabr 2023 07:02

İmam Zaman ağa (ə.f) buyurur: "Allah Təalanın təqdirləri məğlub olmaz, iradəsi geri qayıtmaz, tövfiqini heç bir şey qabaqlamaz".

Hədisin şərhi.

Bu cümlələr İmam Zaman ağanın (ə.f) iki səfirinə (Osman ibn Səyid, Muhəmməd ibn Osmana) yazdığı məktubdandır.

İmam (ə.f) bu məktubda öz qeyb məsələsinə işarə etmişdir. Buyurur: "Bu mövzu - İlahi təqdirdir və qəti iradəsi ona aid edilmişdir".

İmam (ə.f) bu nurani sözləri ilə bir neçə mövzuya işarə edir:

1. Heç kəs İlahi təqdirə qalib gələ bilməz. Onun qüdrəti bütün qüdrətlərdən daha üstündür.

2. Əgər Allah Təalanın qəti iradəsi bir şeyə aid edilsə, heç kəs bu iradəsinə qələbə çala bilməz. Yerinə yetməsinə mane ola bilməz.

İmam Səccaddan (ə) gələn duaların birində oxuyuruq: "Pərvərdigara! Həmd Sənə məxsusdur ki, təqdir edənsən və heç bir zaman məğlub olmazsan".

3. Allah bir işi istəməyincə, heç bir səy və çalışma fayda verməz. Hər bir işi görmək üçün Allaha ümid gözü ilə baxmaq lazımdır. Ondan yardım almaq lazımdır.

Dərgahının məhbublarını vasitə qərar verərək, hacət istəmək lazımdır.

Milli.Az


Etiketlər:  İlahi təqdir heç zaman məğlub olmaz


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ