Aktual mövzular: Dollar alış-satışı, Məzənnə, Neftin qiyməti

Şəriət baxımından qadın yalnız qara rəngli çadra örtməlidirmi?

Tarix: 4 Yanvar 2024 09:02

Dinimiz baxımından qadının hicaba riayət etməsi vacibdir. Burada hicab deyərkən, qadının bədənini bəzi şərtlə daxilində örtən geyim nəzərdə tutulur. Qadının geyimi bir neşə əsas tələbə cavab verməlidir. Birincisi, geyim qadınının bədənini şəriətdə nəzərdə tutulmuş həddə tam örtməlidir. Yəni qadının biləkdən aşağı əlləri və sifəti istisna olmaqla bütün bədəni örtülü olmalıdır. İkincisi, geyim qadının bədəninin konturlarını göstərəcək qədər dar olmamalı, eləcə də, bədənə yapışacaq qədər nazik olmamalıdır. Üçüncüsü, geyim hamının diqqətini çəkəcək qədər al-əlvan və çağırıcı olmamalıdır. Bu şərtlər daxilində hər hansı geyim geyinilsə, kifayət edər və qadın hicablı sayılar. Əlbəttə, bu şərtlərə ən kamil şəkildə cavab verən geyim çadradır. Sosial vəziyyətindən, yaşından və digər şərtlərdən asılı olaraq bəzən qadının çadraya riayət etməsi daha çox yerinə düşür. Lakin çadra geyinmək mütləq mənada vacib deyil.

Milli.Az

Whatsapp ilə göndər