Azarkeş ürək tutmasından vəfat etdi, oyun yarımçıq qaldı - FOTO

Tarix: 16 Yanvar 2024 00:24

Futbol dünyasında daha bir faciə yaşanıb.

Sonxeber.net publika.az-a istinadən xəbər verir ki, İngiltərədə oyun zamanı azarkeş dünyasını dəyişib. Birinci Liqa çərçivəsində şənbə keçirilən "Bolton" - "Çeltenhem Taun" matçının 29-cu dəqiqəsində azarkeş Yan Purslounun səhhətində problem yaranıb. Bundan xəbər tutan baş hakim Sunni Suhvir Gill oyunu dayandıraraq futbolçuları meydandan kənarlaşdırıb.

Komandaların həkimləri yardım göstərmək üçün tribunaya üz tutublar. Daha sonra Yan təcili yardım maşını ilə xəstəxanaya aparılıb.

Yerli xəstəxananın həkimləri 71 yaşlı Purslounun həyatını xilas etmək üçün sona qədər mübarizə aparıblar. O, ertəsi gün, yanvarın 14-də reanimasiyada dünyasını dəyişib.

"Bolton" sosial şəbəkə hesablarında "Rahat yat, Yan", - deyə paylaşım edib və azarkeşlərə, Yan Purslounun ailə üzvlərinə başsağlığı verib.