Cavanşir onları “yıxıb-sürüdü”: Kim olursa, olsun..." - VİDEO

Tarix: 24 Yanvar 2024 11:25

"Konservatoriyada dərs demirəm. Amma iradımı muğam ifaçılarına bildirməliyəm. Yaşlı sənətkarımız ədəbi dilə diqqət etməlidir. Muğamları regionlara bölüblər. Bu, Şirvan, bu, Naxçıvan, bu, cənub, bu, filan tərəfdir. Muğamı ədəbi dillə oxumaq lazımdır". 

Milli.Az bizim.media-ya istinadən bildirir ki, bu sözləri Əməkdar artist Cavanşir Məmmədov qonaq olduğu "Tarixin bir günü" verilişində deyib. 

Sənətkar ləhcə ilə muğam oxuyan xanəndələri sərt şəkildə tənqid edib: 

"Sən deyirsən ki, "Eşqin, məhəbbətin düşüb canıma... Qara göz yaşını, sil "qadoooy" alım". O zaman sən ədəbiyyat dərsindən "2" almalı idin. Gedək jurnala baxaq, görək, sən ədəbiyyatdan neçə almısan? "Qadoooy" alım nə deməkdir? Mənim cəsarətim çatı,  ad çəkməyə, sadəcə dostlarımdır. Hər şey etmək olar. Ona görə insanı "tutmurlar". Amma "tutmaq" olar. Məsələn, 5 kiloqram yağ alırsan, 200 qramını sənə əskik verirlər. Bunu etdiyinə görə isə sənə 2 il iş verirlər. Sən mənim ədəbiyyat dilimi niyə düzgün təhvil vermirsən? Kim olursa, olsun, mənə heç bir fərqi yoxdur. Mən Azərbaycan musiqisinə xidmət edirəm. Sən bu mahnıları beş dəfə belə oxusan səni bağışlamaram". 

Milli.Az