Aktual mövzular: Dollar alış-satışı, Məzənnə, Neftin qiyməti

İspaniya kuboku: “Barselona” turnirlə vidalaşıb

Tarix: 25 Yanvar 2024 07:34

İspaniya Kubokunun 1/4 final mərhələsi çərçivəsində "Atletik" evində "Barselona"nı qəbul edib.

Milli.Az report.az-a istinadən xəbər verir ki, qarşılaşma "San-Mames" stadionunda keçirilib.

Matçda meydan sahibləri 4:2 hesabı ilə qalib gəliblər. Oyunun əsas vaxtı 2:2 hesabı ilə başa çatdığından əlavə vaxta ehtiyac yaranıb. "Atletik"in heyətində Qorka Quruseta və Oyan Sanse fərqləniblər. "Barsa"dan isə Robert Levandovski və Lamin Yamal rəqib qapısına yol tapıblar.

106-cı dəqiqədə İnyaki Uilyams "Atletik"i hesabda önə çıxarıb. Görüşdə yekun nöqtəni 120-ci dəqiqədə N.Uilyams qoyub.

Beləliklə "Atletik" kubokun yarımfinalına vəsiqə qazanıb. "Barselona" isə turnirlə vidalaşıb.

Milli.Az

Whatsapp ilə göndər