Aktual mövzular: Dollar alış-satışı, Məzənnə, Neftin qiyməti

"WikiLeaks"ə gizli sənədləri ötürən proqramçıya ŞOK CƏZA

Tarix: 2 Fevral 2024 15:30

Nyu York məhkəməsi "Vault 7" adlı olduqca məxfi materialların sızması ilə bağlı MKİ-nin keçmiş proqramçısı Coşua Şulteni 40 il müddətinə azadlıqdan məhrum edib.

Milli.Az axar.az-a istinadən bildirir ki, bu barədə Vikiliks məlumat yayıb.

Dövlət ittihamçısı onun üçün ömürlük həbs cəzası istəyib və bildirib ki, keçmiş MKİ əməkdaşının ABŞ tarixinin ən dəhşətli məxfi məlumat sızmasında əli olub.

Şulte özü çıxışında bildirib ki, hökumət ədalət yox, qisas axtarışındadır.

Qeyd edək ki, "Vault 7" MKİ-nin istifadəçilərin kompüterlərini uzaqdan idarə etməyə və onların məlumatlarına nəzarət etməyə imkan verən proqramlar haqqında materiallarının sızmasına verilən kod adıdır. Bura MKİ-nin Lenqlidəki qərargahında yerləşən kiberkəşfiyyat mərkəzinin daxili şəbəkəsində saxlanılan təxminən 10 min sənəd və fayl daxildir.

Milli.Az

Whatsapp ilə göndər