Qışda sürücülər bu vərdişləri unutmalıdır

Tarix: 4 Fevral 2024 14:03

Qışda sürücü sürət həddinə əməl etməli, yolda qəfil manevrlər etməməlidir.

Sonxeber.net lent.az-a istinadən bildirir ki, bu barədə avtomobil bazarlarından birinin texniki direktoru Maksim Ryazanov bildirib.

"Sürücülər qışda təhlükəli manevrlərdən qaçmalı, sürət həddini aşağı salmalı, həmçinin optikanın, güzgülərin və şüşələrin təmizliyinə nəzarət etməlidirlər. Çovğunda və qar yağanda nəqliyyat vasitələrini idarə edənlər üçün ilk zərurət yaxşı görünüşdür", deyib.

Onun sözlərinə görə, qış təkərlərinin quraşdırılması müddətləri pozulmamalıdır. Əgər yayda təkərlərin dəyişdirilməsi faktı kritik deyilsə, qışda mövsümə uyğun olmayan təkərlərin istifadəsi qəza ilə nəticələnir.