Ukraynanın 6 tankı vuruldu, mindən çox itkisi var

Tarix: 14 Fevral 2024 23:18

Ukrayna ordusunun son 24 saat ərzində bütün istiqamətlərdə ümumilikdə 1010-a qədər ölü və yaralısı var.

Sonxeber.net axar.az-a istinadən bildirir ki, bu barədə Rusiya Müdafiə Nazirliyinin məlumatında bildirilib.

"Krasnolimansk istiqamətində biz cəbhə xətti boyunca mövqelərimizi yaxşılaşdıra bildik, Donetsk istiqamətində daha sərfəli mövqelər tuta bildik. Bundan əlavə, Donetsk istiqamətində Ukrayna Silahlı Qüvvələri altı tank, beş piyada döyüş maşını, 20 maşın və üç M777 haubitsasını itirib.

Yujnodonetsk istiqamətində taktiki vəziyyət yaxşılaşdırılıb. Rabotino bölgəsində Ukraynaya məxsus Mi-24 təyyarəsi vurulub, bir gün ərzində 98 Ukrayna pilotsuz uçuş aparatı vurulub", - məlumatda qeyd edilib.