Aktual mövzular: Dollar alış-satışı, Məzənnə, Neftin qiyməti

Türkiyə MN Xocalı soyqırımı ilə bağlı paylaşım edib

Tarix: 26 Fevral 2024 12:46

Türkiyə Milli Müdafiə Nazirliyi Xocalı soyqırımının 32-ci ildönümü ilə bağlı paylaşım edib.

Milli.Az xəbər verir ki, bu barədə nazirlik özünün "X" sosial hesabında yazıb.

"32 il əvvəl Xocalıda vəhşicəsinə qətlə yetirilən soydaşlarımıza Allahdan rəhmət diləyir, azərbaycanlı qardaşlarımızın dərdini paylaşırıq", - deyə bildirilib.

Qeyd edək ki, bu gün Xocalı soyqırımından 32 il ötür. 1992-ci il fevralın 25-dən 26-na keçən gecə erməni silahlı dəstələri keçmiş sovet ordusunun Xankəndi şəhərində yerləşən 366-cı alayının iştirakı ilə Xocalı şəhərini yerlə-yeksan etdi. Erməni təcavüzkarlarının Azərbaycan xalqına qarşı törətdiyi növbəti kütləvi qırğın nəticəsində 613 nəfər, o cümlədən 106 qadın, 63 uşaq, 70 qoca xüsusi amansızlıqla qətlə yetirildi, 1275 dinc sakin əsir götürüldü, 150 nəfərin taleyi isə hələ də məlum deyil. Bu soyqırımı aktı nəticəsində 8 ailə tamamilə məhv edildi, 25 uşaq hər iki valideynini, 130 uşaq isə valideynlərindən birini itirib.

Milli.Az

Whatsapp ilə göndər