Aktual mövzular: Dollar alış-satışı, Neftin qiyməti, COP29, Hava proqnozu

Rusiyadakı səfirliyimizə teraktla bağlı heç bir müraciət daxil olmayıb

Rusiyadakı səfirliyimizə teraktla bağlı heç bir müraciət daxil olmayıb

Tarix: 23 Mart 2024 16:52

Azərbaycan Respublikasının Rusiya Federasiyasındakı səfirliyinə "Crocus City Hall"da baş vermiş terror aktı ilə bağlı Azərbaycan vətəndaşları tərəfindən heç bir müraciət daxil olmayıb.

Mİlli.Az xəbər verir ki, bu barədə APA-nın Moskva müxbirinə Səfirliyimizdən məlumat verilib.

Bildirilib ki, terror aktının qurbanları haqqında ilk məlumatlar yayılmağa başlayan kimi Səfirlik daxil olan bütün məlumatları diqqətlə izləyib. "İlkin siyahılarda yer alan Sevinc Rüstəmovanın adı yenilənmiş siyahılarda olmayıb. Lakin ölənlərin siyahısında 1983-cü il təvəllüdlü Hüseynov Vüqar Fuad oğlu adlı , böyük ehtimalla Rusiya vətəndaşı olan azərbaycanlının adı olub.

Hazırda Azərbaycan Respublikasının Səfirliyi bu məlumatların, o cümlədən qətlə yetirilən şəxsin meyitinin yeri, habelə mərhumun qohumları və yaxınları haqqında məlumatların dəqiqləşdirilməsi üçün bütün zəruri tədbirləri həyata keçirir", - deyə Səfiriyin məlumatında qeyd olunub.

Qeyd edək ki, son məlumata görə, martın 22-də törədilmiş terror aktı nəticəsində 150 nəfər həlak olub.


Etiketlər:  Rusiyadakı səfirliyimizə teraktla bağlı heç müraciət daxil olmayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ