Aktual mövzular: Dollar alış-satışı, Neftin qiyməti, COP29, Hava proqnozu

Söyüdlüdə 2 “rus casus” tutuldu – Ermənilər təşvişdə

Söyüdlüdə 2 “rus casus” tutuldu – Ermənilər təşvişdə

Tarix: 4 Aprel 2024 09:48

Ermənistanda "Azərbaycan casusları" ilə bağlı iddialar yenidən aktivləşib.

Sonxeber.net Publika.az-a istinadən xəbər verir ki, aprelin 2-də Ermənistan təhlükəsizlik orqanlarının Basarkeçərdə Sotk (Söyüdlü) qızıl mədənində işləyən iki rusiyalı əməkdaşı həbs etdiyinə dair məlumat yayılıb.

Rusiyalı işçilər Söyüdlü qızıl mədəninin hazırda Ermənistanın nəzarət etdiyi hissəsində işləyir.

"Hraparak" nəşri yazır ki, saxlanılan rusiyalılar qızıl mədəninin mühafizə postunun əməkdaşlarıdır.

"Mədənin işçiləri bizə bildirir ki, iki rusiyalı işçi Azərbaycana casusluq etməkdə şübhəli bilinir. Onlar yataqla bağlı Azərbaycana məlumatlar ötürüb", - nəşr iddia edir.

Qeyd edək ki, dünən Xankəndidən Ermənistana qayıdan Sərkis Qalstyan da "Azərbaycana casusluq" ittihamı ilə həbs olunub. Bu "casus ovu"nu Ermənistan hakimiyyətinin qurduğu bəllidir: Paşinyan ya o qədər qorxur ki, hər kəsi casus olaraq görür, ya da bu cür oyunlarla Azərbaycanı "müdaxilə edən tərəf" kimi göstərir.


Etiketlər:  Söyüdlüdə casus tutuldu Ermənilər təşvişdə


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ