Aktual mövzular: Dollar alış-satışı, Məzənnə, Neftin qiyməti

Yardım olmasa, Ukraynada vəziyyət pis olacaq - Börns

Tarix: 19 Aprel 2024 14:56

Konqresin hərbi yardım haqqında qanun layihəsini təsdiqləməsi Ukraynaya bu ilin sonuna qədər döyüş meydanında dayanmasına və Kremlin planlarını pozmasına kömək edəcək.

Milli.Az axar.az-a istinadən xəbər verir ki, bunu ABŞ Mərkəzi Kəşfiyyat İdarəsinin direktoru Uilyam Börns deyib.

"Həm praktik, həm də psixoloji cəhətdən hərbi dəstək sayəsində ukraynalılar 2024-cü il ərzində döyüş meydanında dayana və Putinin zamanın onun xeyrinə işləməsinə dair təkəbbürlü fikrini məhv edə bilərlər", - o bildirib.

Börns qeyd edib ki, qanun layihəsi Konqresdən keçməsə, vəziyyət daha pis şəkil olacaq:

"İndi Ukraynaya dəstək Rusiya ilə müharibədən daha üstündür. Söhbət həm də Çindəki Szinpin və onun ambisiyaları, Hind-Sakit okean regionundakı müttəfiqlərimiz və tərəfdaşlarımızdan gedir. Bu, həqiqətən, rəqiblərimizin etibarlı olmağımızı və qətiyyətimizi başa düşüb-düşməməsi məsələsidir".

Milli.Az

Whatsapp ilə göndər