Yol kənarına atılan sahibsiz avtomobillər ərazidən götürüldü - AÇIQLAMA - YENİLƏNİB - VİDEO

Tarix: 20 May 2024 15:00

14:56

"Bakının Xətai rayonu, Lütfi Zadə küçəsindəki sahibsiz avtomobillər ərazidən götürülüb".

Sonxeber.net xəbər verir ki, bu məlumatı Oxu.Az-ın sorğusuna cavab olaraq Bakı Şəhər Dövlət Yol Polis İdarəsinin bölmə rəisi Toğrul Nəsirli verib.

O, qeyd edib ki, adıçəkilən ünvanda nəqliyyat vasitələri evakuasiya olunaraq ən yaxın mühafizə olunan duracağa yerləşdirilib.

---------
13:57

Bakının Xətai rayonu, Lütfi Zadə küçəsində iki avtomobil yol kənarına atılıb.

Sonxeber.net oxu.az-a istinadən bildirir ki, bununla bağlı sosial şəbəkədə videogörüntü paylaşılıb.

Qeyd olunur ki, yararsız vəziyyətdə olan iki "Toyota Prius" markalı avtomobil aylardır ki, yolun kənarına atılıb.

"Salonlarını dağıdıb, işıqlarını qırıb-töküblər. Avtomobillər heç nəyə yaramasa da, onları ərazidən götürən yoxdur", - deyə şikayətçi yazır.

Videonu təqdim edirik: