Aktual mövzular: Dollar alış-satışı, Neftin qiyməti, COP29, Hava proqnozu

Bu qanuna qarşı çıxmaq mümkün deyil - Kobaxidze

Bu qanuna qarşı çıxmaq mümkün deyil - Kobaxidze

Tarix: 28 May 2024 21:48

Gürcü xalqının seçdiyi ali nümayəndəlik orqanı dövlət suverenliyini təsdiq etmək üçün ən mühüm hüquqi baza yaratdı. Belə bir qanuna qarşı çıxmaq mümkün deyil.

Sonxeber.net APA-ya istinadən bildirir ki, bunu Gürcüstan Baş naziri İrakli Kobaxidze hökumət administrasiyasında keçirilən mətbuat konfransında deyib.

Kobaxidze qeyd edib ki, hər kəs qanunun düzgün mahiyyətini tanımalı və arqument yoxdursa, qarayaxma kampaniyasını davam etdirməməlidir:

"Proses başa çatıb, qanun qəbul edilib. Bu qanunla bağlı biz hamıya ictimai müzakirə təklif edə bilərik. Müzakirəyə hazırıq, çünki hər dəfə haqlı olmuşuq.

"Xarici təsirin şəffaflığı haqqında" qanun yalnız bir şeyi nəzərdə tutur - xarici dövlətin maraqlarını həyata keçirən təşkilatların ildə bir dəfə maliyyə bəyannamələri dərc etməsini. Belə bir qanuna qarşı hər hansı arqumentin olması mümkün deyil".

Onun sözlərinə görə, Gürcüstan əhalisinin 80 faizindən çoxu xarici təsirin şəffaflığının tərəfdarıdır, əhalinin 60 faizindən çoxu isə əcnəbilərin tənqidi fonunda "Xarici təsirin şəffaflığı haqqında" qanunu dəstəkləyir.


Etiketlər:  qanuna qarşı çıxmaq mümkün deyil Kobaxidze


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ