Aktual mövzular: Dollar alış-satışı, Neftin qiyməti, COP29, Hava proqnozu

ABŞ məxfiliyi qaldırdı: Yeltsinlə 30 il öncəki gizli söhbət...

Tarix: 10 Iyul 2024 10:16

ABŞ Milli Təhlükəsizlik Arxivi Moskva ilə Vaşinqton arasında NATO məsələsi ilə bağlı münasibətlərə aid məxfilikdən çıxarılan sənədlərin bir hissəsini dərc edib.

Sonxeber.net axar.az-a istinadən bildirir ki, nəşr edilmiş sənədlərdən bəlli olur ki, ABŞ-ın o zamanki vitse-prezidenti Albert Qor 1994-cü ilin sonunda Rusiya Prezidenti Boris Yeltsinə NATO-nun genişlənməsinin tədricən və yalnız Moskva ilə məsləhətləşmələrdən sonra baş verəcəyinə söz verib.

"Klintonun sentyabrda sizə dediyi kimi, NATO nəhayət genişlənəcək, lakin bu proses tədricən və açıq olacaq", - deyə, Qor ABŞ Dövlət katibinin o vaxtkı müavini Strob Talbotdan sitat gətirir.

"Biz sizinlə məsləhətləşəcəyik", - Qor vurğulayıb.

Bundan əlavə, qeyd olunur ki, Qor Yeltsini əmin edib ki, proses ABŞ-Rusiya tərəfdaşlığının, eləcə də Rusiya-NATO tərəfdaşlığının dərinləşməsi ilə paralel aparılacaq.

Albert Qorla Boris Yeltsin arasında söhbət Rusiya prezidenti xəstəxanada olarkən baş verib.

Whatsapp ilə göndər