Aktual mövzular: Dollar alış-satışı, Neftin qiyməti, COP29, Hava proqnozu

Daha bir qrup işəgötürən üçün “Məşğulluq” altsistemi barədə təqdimat edildi (FOTO)

Tarix: 28 Noyabr 2019 08:57

Bakı. Trend:

Əmək və Əhalinin Sosial Müdafiəsi Naziliyi yanında Dövlət Məşğulluq Xidməti tərəfindən işəgötürənlər üçün “Məşğulluq” altsisteminin (MAS) təqdimatı keçirilib. 35 müəssisənin nümayəndələrinin iştirak etdiyi tədbirdə altsistem, ondan istifadə, MAS-dakı “Vakansiya bankı”, MAS-dan istifadə qaydası barədə məlumat verilib.

Nazirlikdən Trend-ə bildirilib ki, işəgötürənlər yeni və ya boş (vakant) iş yerləri barədə məlumatları “Məşğulluq haqqında” Qanuna əsasən ən geci 5 iş günü müddətində vakansiya bankına daxil etməlidirlər. Bunun üçün onlar e-sosial.az ünvanına (yaxud e-gov.az ünvanına) daxil olmalı, “e-Xidmətlər” bölməsində “Yeni iş yeri və boşalan iş yeri (vakansiya) barədə məlumatların təqdim edilməsi” elektron xidmətini seçməlidirlər. Bundan sonra “Vakansiyalar” bölməsindəki “Yeni vakansiya” altbölməsində vakant iş yeri barədə məlumatlarını daxil etməlidirlər. Sonda isə “Yadda saxla” düyməsini basmalıdırlar.

Tədbirdə həmçinin işəgötürənlərin “Məşğulluq” altsistemi ilə bağlı sualları cavablandırılıb.

Trend-in ən mühüm və maraqlı xəbərlərini "Telegram"da izləyin