Səhər qidalanmamaq ziyandır?

Tarix: 31 Iyul 2024 13:39

Mayo Klinikasının kardioloqu Fransisko Lopes-Ximenesin fikrincə, səhər yeməyini atmaq effektiv kilo verməyə mane ola bilər və ürək-damar sistemi ilə bağlı xoşagəlməz hadisələrin riskini artıra bilər.

Sonxeber.net oxu.az-a istinadən bildirir ki, çoxsaylı araşdırma günün ilk yeməyinin sağlamlıq üçün əhəmiyyətli olduğunu sübut edir.

Müxtəlif ölkələrin alimləri belə qənaətə gəliblər ki, səhər yeməyini yeməyən insanlarda ürək xəstəliklərinə tutulma riski artır. Bəzi elmi araşdırmalar da infarktların səhər saatlarında başvermə ehtimalının daha çox olduğunu göstərib.

Həkim qeyd edib ki, ürək sağlamlığı üçün təhlükənin bir hissəsi səhər saatlarında adrenalin səviyyəsinin artması ilə bağlıdır. Bədənin stres və ya təhlükəyə cavab olaraq istehsal etdiyi bioloji aktiv maddədir. Adrenalin ürək dərəcəsini stimullaşdırmağa, bronxları genişləndirməyə, qan təzyiqini artırmağa və qan qlükoza səviyyəsini saxlamağa kömək edir. Qida olmadıqda, bədənin stres vəziyyəti arta bilər. Bu öz növbəsində, ürək-damar sisteminin həddindən artıq yüklənməsinə səbəb olur.

Səhər yeməyini atmaq arıqlamağa çalışan insanlar üçün də zərərli ola bilər. Lopes-Ximenes izah edib ki, bu pəhriz nəinki arıqlamağa kömək etmir, həm də axşam və yatmazdan əvvəl həddindən artıq yeməyə səbəb olur.