Aktual mövzular: Dollar alış-satışı, Neftin qiyməti, COP29, Hava proqnozu

Türkiyənin Qırğızıstana kimyəvi maddə ixracı artıb

Türkiyənin Qırğızıstana kimyəvi maddə ixracı artıb

Tarix: 22 Avqust 2024 13:58

2024-cü ilin yanvar - iyul aylarında Türkiyənin Qırğızıstana kimyəvi maddə məhsulları ixracı ötən ilin eyni dövrü ilə müqayisədə 35,4 faiz artaraq, 50,4 milyon dollara bərabər olub.

Milli.Az xəbər verir ki, bu barədə TurkicWorld-ə Türkiyə Ticarət Nazirliyindən bildiriblər.

"Bu ilin iyul ayında Türkiyə Qırğızıstana 8,9 milyon dollar məbləğində kimyəvi maddə məhsulları ixrac edib ki, bu da keçən ilin iyul ayı ilə müqayisədə 55,6 faiz çoxdur" - deyə nazirlikdən bildirilib.

Qeyd edək ki, Türkiyənin 2024-cü ilin yanvar-iyul aylarında kimyəvi maddə məhsulları ixracı ötən ilin eyni dövrü ilə müqayisədə 9,5 faiz artaraq 18 milyard 420 milyon dolları ötüb.

"2024-cü ilin iyul ayında Türkiyənin dünya bazarlarına kimyəvi maddə məhsulları ixracı 2023-ci ilin eyni ayı ilə müqayisədə 19,4 faiz artaraq, 2 milyard 596 milyon dollara bərabər olub", - deyə məlumatda qeyd edilib.

Qeyd olunub ki, son 12 ay ərzində (iyul 2023-iyul 2024) Türkiyə 32 milyard 88 milyon dollar məbləğində kimyəvi maddə məhsulları ixrac edib.

Milli.Az


Etiketlər:  Türkiyənin Qırğızıstana kimyəvi maddə ixracı artıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ