Aktual mövzular: Dollar alış-satışı, Neftin qiyməti, COP29, Hava proqnozu

Ermənistanla Gürcüstan Putinin həbsini dəstəkləyən sənədi imzaladı

Ermənistanla Gürcüstan Putinin həbsini dəstəkləyən sənədi imzaladı

Tarix: 6 Sentyabr 2024 18:52

Ermənistan və Gürcüstan Avropa Şurasının Beynəlxalq Cinayət Məhkəməsinin Rusiya Prezidenti Vladimir Putinin həbsi ilə bağlı orderini dəstəkləyən bəyannaməsini imzalayıblar.

Sonxeber.net qafqazinfo-ya istinadən xəbər verir ki, sənəd Avropa Şurasının saytında paylaşılıb.

Şuranın Mətbuat xidmətinin yaydığı məlumata görə, Avropa Şurasına üzv ölkələrin və müşahidəçi dövlətlərin ədliyyə nazirləri sənədi Litvanın sədrliyi ilə keçirilən görüşdə qəbul ediblər.

Sənəddə yer alan prinsiplər tövsiyə xarakteri daşıyır. 

Bəyannaməni Ermənistan və Gürcüstanla yanaşı, Litva, Latviya, Estoniya, Ukrayna, Moldova, ABŞ, Kanada, Almaniya, Fransa, Böyük Britaniya və digər bir neçə ölkə dəstəkləyib.

Sənədi dəstəkləməyən ölkələr sırasında isə Azərbaycan, Türkiyə, Macarıstan, Bosniya və Herseqovina, Slovakiya və Serbiya var. 

Sözügedən bəyannamədə Beynəlxalq Cinayət Məhkəməsinin Vladimir Putinin, Rusiya Təhlükəsizlik Şurasının katibi Sergey Şoyqunun və digər rusiyalı siyasətçilərin həbsi ilə bağlı orderləri yer alıb. 

Xatırladaq ki, Beynəlxalq Cinayət Məhkəməsi 2023-cü ilin martında Putinin həbsinə dair order verib.


Etiketlər:  Ermənistanla Gürcüstan Putinin həbsini dəstəkləyən sənədi imzaladı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ