Aktual mövzular: Dollar alış-satışı, Məzənnə, Neftin qiyməti

Xarici dil üzrə beynəlxalq sertifikatları olanlar doktoranturaya qəbul imtahanından azad ediləcəklər

Tarix: 3 Dekabr 2019 13:04

Bakı. İlhamə İsabalayeva - Trend:

Doktoranturaya qəbul zamanı xarici dil üzrə beynəlxalq sertifikatlarına malik olanlar dil üzrə qəbul imtahanından azad ediləcəklər.

Trend-in məlumatına görə, bunu Azərbaycan Memarlıq və İnşaat Universitetində keçirilən Doktorantların və gənc tədqiqatçıların XXIII Respublika Elmi Konfransında çıxış edən Təhsil naziri Ceyhun Bayramov bildirib.

Onun sözlərinə görə, bu ilin oktyabrında "Doktoranturaların yaradılması və doktoranturaya qəbul" qaydalarında dəyişikliklər edilib. Bu dəyişikliklərə əsasən, doktoranturaya qəbul zamanı mərkəzləşdirilmiş formada xarici dil imtahanının Dövlət İmtahan Mərkəzi tərəfindən, fəlsəfə imtahanlarının isə müəyyən olunmuş bir və ya bir neçə təhsil və elmi müəssisələrində keçirilməsi nəzərdə tutulub:

"Xarici dil üzrə beynəlxalq dil sertifikatlarına malik olanlar isə dil üzrə qəbul imtahanından azad ediləcək. Düşünürəm ki, bu dəyişiklik çox vacibdir, çünki xarici dil bacarıqları olmadan elmi bazalara çıxış, yeni nailiyyətlərdən bəhrələnmək mümkün deyil".

Whatsapp ilə göndər