Aktual mövzular: Dollar alış-satışı, Neftin qiyməti, COP29, Hava proqnozu

Miqren yoxsa adi başağrısı? - fərqi necə tapaq

Tarix: 1 Noyabr 2024 09:18

Miqrenləri adi baş ağrılarından fotofobiya və ürəkbulanma əlamətləri ilə ayırd etmək olar.

Sonxeber.net oxu.az-a istinadən xəbər verir ki, bu barədə rusiyalı tibb elmləri namizədi, elmi işçi Anastasiya Belopasova Lenta.ru-ya müsahibəsində danışıb.

Onun sözlərinə görə, miqren tutması fonofobiya və fotofobiya, ürəkbulanma və nadir hallarda qusma ilə müşayiət olunur. Bu qəbildən tutmalar yüksək intensivlikli, adətən birtərəfli, pulsasiya edən baş ağrısı ilə xarakterizə olunur. Miqrendən qaynaqlanan başağrısı, hər şeydən əlavə, fiziki yüklənmə zamanı güclənir.

"Miqren tutması dörd saatdan 72 saata qədər davam edə bilər", - deyə Anastasiya Belopasova bildirib.

Onun sözlərinə görə, miqren 50 ildir tədqiq edilməsinə baxmayaraq, onun yaranma mexanizmi tam olaraq müəyyən edilməyib.

Whatsapp ilə göndər