Aktual mövzular: Dollar alış-satışı, Neftin qiyməti, COP29, Hava proqnozu

Bu il 60-dan çox jurnalist vəzifə başında öldürülüb

Bu il 60-dan çox jurnalist vəzifə başında öldürülüb

Tarix: 1 Noyabr 2024 23:06

2024-cü ildə vəzifə borcunu yerinə yetirərkən 60-dan çox media işçisi öldürülüb. Fələstinli jurnalistlər arasında xüsusilə yüksək itki qeydə alınıb.

Sonxeber.net APA-ya istinadən bildirir ki, bu barədə BMT-nin İnsan Hüquqları üzrə Ali Komissarı Volker Türkün noyabrın 1-də verdiyi bəyanatda deyilir.

"Jurnalistlərə qarşı törədilən cinayətlərə görə cəzasızlığa son" beynəlxalq günü münasibəti ilə Türk cari və əvvəlki illərin statistikasına istinad edib.

"2023-cü ildə 71 jurnalist və media işçisi öldürülüb, 300-dən çoxu isə həbs edilib. Qadın jurnalistlər tez-tez fiziki zorakılığa çevrilə bilən onlayn təcavüzün hədəfinə çevrilirlər. Artıq bu il 61 jurnalist vəzifə borcunu yerinə yetirərkən - çox vaxt münaqişələr, iqlim dəyişikliyi və ya digər böhranları işıqlandırarkən həlak olub", - deyə mətndə deyilir.

Jurnalistlərin öldürüldüyü hər 10 cinayətdən təxminən səkkizinin cəzasız qaldığı qeyd edilir.

O həmçinin hökumətlərin hücumların qarşısını almaq, jurnalistləri qorumaq və günahkarları məsuliyyətə cəlb etmək üçün daha çox iş görməli olduğunu bildirib.


Etiketlər:  çox jurnalist vəzifə başında öldürülüb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ