Sautqeyt ''cəngavər'' oldu

Tarix: 31 Dekabr 2024 17:06

İngiltərənin futbol üzrə millisinin keçmiş baş məşqçisi Qaret Sautqeytə cənagavər rütbəsi verilib.

Sonxeber.net qafqazinfo-ya istinadən xəbər verir ki, bu barədə Böyük Britaniya hökumətinin mətbuat xidməti məlumat yayıb.

Kral Çarlz yeni il münasibətilə siyasi, idman, yaradıcılıq və ya ictimai fəaliyyətə əhəmiyyətli töhfə verən xeyli sayda insanı mükafatlandırıb. Sautqeytin adı da bu siyahıda yer alıb.

Xatırladaq ki, Sautqeyt 2016-cı ildən bu ilin yayınadək İngiltərə millisinin baş məşqçisi olub. Onun rəhbərliyi altında komanda  AVRO-2020 və AVRO-2024-ün gümüş medallarını qazanıb. AVRO-2024-dən sonra o postundan istefa verib. 

İngiltərə millisi mütəxəssisin rəhbərliyi altında 102 oyunda 61 qələbə qazanıb, 24 heç-heçə edib və 17 dəfə məğlub olub.