''Anama nifrətlə baxırdım''

Tarix: 4 Iyul 2025 19:00

"Atam Rusiyada qalırdı. 10 il sonra gəldi Azərbaycana və anamla barışdı. Evdə bizimlə qalırdı, anamı ona qısqanırdım. Təəccüblü gəlirdi ki, doğma atam bizə gəlib. Elə bilirdim ki, anam ancaq bizimlə danışmalıdır, heç kimlə ünsiyyət qurmamalıdır".

Sonxeber.net xəbər verir ki, bu sözləri Əməkdar artist Elza Seyidcahan "Sən olsaydın" verilişində deyib. Müğənni illər əvvəl atası ilə anasının barışmasından söz açıb:

"Atama düşmən kimi baxırdım. Anam heç vaxt ətir vurmurdu. Gördüm bir az bizim ətirlərdən vurur. Anama nifrətlə baxırdım. İllər sonra peşman oldum ki, anama haqsızlıq etmişəm. Atamı anama qısqanmışam. Özüm də valideynəm, görürəm ki, övladlarım məni anama, bacılarıma, hər şeyə qısqanırlar". (Axşam.az)