“InvestAZ”-dan dünya maliyyə bazarları ilə bağlı həftəlik analiz

Tarix: 16 Dekabr 2019 15:12

Bakı. Trend:

InvestAZ İnvestisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib. Trend həmin məlumatı təqdim edir:

EUR

ABŞ və Çin arasında yanvarın ilk həftəsində imzalanması planlaşdırılan ticarət sazişinin ilkin mərhələsi üçün razılaşmanın əldə edilməsində sonra dünya birjalarında risk iştahı daha da artıb. Beləliklə, EUR/USD məzənnəsi 1.11$-ın üzərində qaldıqca, bahalaşmaqda davam edə biləcəyi proqnozlaşdırılır.
Bununla yanaşı, bazar ertəsi Bakı vaxtı ilə saat 13:00-da Avrozonanın sənaye və xidmət sektorlarında biznes aktivliyi indekslərinin, çərşənbə axşamı saat 17:30 ABŞ-ın sənaye və cümə axşamı saat 19:00-da tikinti sektoru və cümə günü saat 17:30-da iqtisadi inkişafa dair məlumatların açıqlanması da investorların diqqət mərkəzində olacaqdır.

GBP

İngiltərədə keçirilən növbədən kənar parlament seçkilərində sonra AB ilə Breksit fonunda gələcək münasibətlər daha da aydınlaşıb. Nəticədə GBP/USD məzənnəsində də bahalaşma müşahidə edilir və bu, 37$-a kimi davam edə bilər.
Qeyd etmək lazımdır ki, parlamentdə üstünlüyü ələ alan hökümət tərəfdarları üçün bundan sonra iki prioritet mövzu yanvarın 31-də Breksitin baş tutması və gələcək bir il ərzində iki tərəf arasında ticarət sazişinin razılaşdırılması olacaqdır.

TRY

USD/TRY məzənnəsində bahalaşma müşahidə edilir və təhlillər qiymətin 5.87TL-yə kimi inkişaf edə biləcəyinə işarədir.

TCMB-nin faiz azaldılması onun xarici hesablaşmalarda müsbət saldosunun azalmasına səbəb olmaqla yanaşı, lirənin də ucuzlaşmasına səbəb olur. Bu gün saat 11:00-da isə pərakəndə satış dövriyyəsi və ticarət balansı ilə bağlı önəmli fundamental göstəricilər investorların diqqət mərkəzində olacaqdır.

OIL

Enerji birjalarında Avropanın Brent markalı neftinin bir barel qiymətində bahalaşma davam etməkdədir və 67$-a kimi də davam edə biləcəyi proqnozları da aktuallığını qorumaqdadır.
Çərşənbə günü saat 19:30-da açıqlanacaq Amerikanın neft və benzin ehtiyatları ilə bağlı önəmli fundamental məlumatların da qiymətlərə güclü təsir edəcəyi gözlənilir.

GOLD

Əlvan metallar bazarlarında isə qızılın qiyməti son beş həftənin maksimum və minimumları aralığında dalğalanmaqda davam edir. Lakin təhlillər proqnozların qiymətin bahalaşa biləcəyi ağırlığında olduğunu göstərir. Belə ki, bir unsiya üzrə qiymət 1478$-ın (46.5 $/qram) üzərində möhkəmlənərsə, 1498$-a (46.5 $/qram) kimi dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin
Analitika Departamenti

“İnvest-AZ İnvestisiya Şirkəti” Qapalı Səhmdar Cəmiyyətinin fəaliyyəti Azərbaycan Respublikası Maliyyə Bazarlarına Nəzarət Palatası tərəfindən tənzimlənir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Trend-in ən mühüm və maraqlı xəbərlərini "Telegram"da izləyin