Aktual mövzular: Dollar alış-satışı, Məzənnə, Neftin qiyməti

Azərbaycan xaricdən kartof idxalını dayandıra bilər

Azərbaycan xaricdən kartof idxalını dayandıra bilər

Tarix: 14 Fevral 2020 12:10

Azərbaycan daxili və xarici bazarı təmin edəcək qədər kartof istehsal etməyə qadirdir.

Milli.Az xəbər verir ki, bu barədə Trend-ə açıqlamasında Kənd Təsərrüfatı Nazirliyinin Tərəvəzçilik Elmi Tədqiqat İnstitutunun direktoru Elmar Allahverdiyev bildirib.

Onun sözlərinə görə, bu sahədə bəzi problemlər aradan qaldırılandan sonra Azərbaycan xaricdən kartof idxal etməyi dayandıracaq:

"Bu gün Azərbaycanda kartof istehsalı həm daxili, həm də xarici tələbatı ödəmək iqtidarındadır. Bu gün kifayət qədər də kartof istehsal edilir. Lakin sahibkarların bir problemi var. Fermerlər istehsal etdikləri məhsulu saxlamaq üçün anbarlar tapmırlar. Bu da kartofun qış aylarına saxlanmasına mane olur. Saxlanc yerləri olmadığından sahibkarlar məhsulu dərhal bazara çıxarır, dəyər-dəyməzinə satırlar. Qış aylarında da Azərbaycan xaricdən kartof almağa başlayır. Hazırda bu problemlərin həlli istiqamətində tədbirlər görülür. Artıq bölgələrdə bir neçə sahibkar bu problemi həll edib. Bölgələrdə sahibkarlar xüsusi anbarlar tikiblər ki, bu anbarlar kartofun saxlanmasına, sağlam qalmasına şərait yaradır. Bu problem tam həllini tapandan sonra Azərbaycan xaricdən kartof idxalını dayandıracaq. Yəni ölkədə istehsal edilən kartof həm daxili, həm də xarici bazara çıxarmağa kifayət edəcək".

Milli.Az


Etiketlər:  Azərbaycan xaricdən kartof idxalını dayandıra bilər


RƏYLƏR



Populyar Xəbərlər

XƏBƏR LENTİ