Aktual mövzular: Dollar alış-satışı, Məzənnə, Neftin qiyməti

Təhsil Nazirliyi: Bəzən 68-69 yaşlı müəllimə 1-ci sinfi vermək istəyirlər

Təhsil Nazirliyi: Bəzən 68-69 yaşlı müəllimə 1-ci sinfi vermək istəyirlər

Tarix: 14 Fevral 2020 21:00

Ümumtəhsil müəssisələrində müəllimlər üçün çalışmanın yaş həddinin uzadılması məsələsində heç də həmişə qaydalara əməl edilmir.

Milli.Az Trend-ə istinadən xəbər verir ki, Təhsil Nazirliyinin İnsan resursları şöbəsinin müdir müavini Murad Camalzadə deyib.

Onun sözlərinə görə, bəzən 68, 69 yaşlı ibtidai sinif müəlliminə dərs keçmək üçün yeni bir sinif vermək istəyirlər:

"Bəzən görürsən ki, müəllimin 68, ya 69 yaşı var, amma ona 1-ci sinfi vermək istəyirlər. Bu hal da ona gətirir ki, həmin müəllim ən azı 72-73 yaşına kimi işləməlidir. Azərbaycanın qanunvericliyinə əsasən isə çalışmanın son yaş həddi kimi isə 70 yaş müəyyən edilib. Belə məsələlərlə bağlı araşdırmalar aparılmalıdır".

M.Camalzadənin sözlərinə görə, ümumtəhsil müəssisələrində işləyən və çalışmanın maksimal yaş həddinə çatmış müəllimlərlə əmək münasibətlərinin tənzimlənməsi hələ ki, mərkəzləşdirilməyib:

"Bu proses hələ ki, yerli təhsil idarəetmə orqanlarının və ərazi maliyyə hesablaşma mərkəzlərinin birgə razılığı əsasında həyata keçrilir. Növbəti mərhələlərdə bu prosesin necə dəyişəcəyi aparılan monitiorinq və təhlillərin nəticəsində bilinəcək. Təhsil Nazirliyi tərəfindən monitorinqlər aparılır, rüblük hesabatlar hazırlanır. Hesabatlara əsasən, müəyyən bölgələrdə qaydaların pozulması hallarına rast gəlinir".

Milli.Az


Etiketlər:  Təhsil Nazirliyi Bəzən 68 69 yaşlı müəllimə 1 ci sinfi vermək istəyirlər


RƏYLƏR



Populyar Xəbərlər

XƏBƏR LENTİ