''Veliev'' şirkəti “21-ci Avrasiya Qapı, Pəncərə və Şüşə 2020” beynəlxalq sərgisində iştirak edib (FOTO)

Tarix: 13 Mart 2020 16:32

Bakı. Trend:

"Veliev" şirkəti Türkiyənin İstanbul şəhərində yerləşən TÜYAP sərgi mərkəzində keçirilən “21-ci Avrasiya Qapı, Pəncərə və Şüşə 2020” (Eurasia Door, Eurasia Windows & Eurasia Glass 2020) beynəlxalq sərgisində iştirak edib.

İstanbulun ən böyük sərgi salonu olan TÜYAP-da təşkil olunan qapı, pəncərə və şüşə (Eurasia Door, Eurasia Windows & Eurasia Glass 2020) istehsalçılarının sərgisində, Türkiyədən və dünyanın 24 ölkəsindən 644 şirkət və 109 ölkədən 70 mindən çox ziyarətçi iştirak edib.

4-7 mart tarixlərində baş tutan sərgidə iştirakçılar əsasən, Orta-Şərqi Asiya ölkələri, Aralıq Dənizi sahili ölkələrindən olub.

"Veliev" şirkətinin sərgidə iştirakının əsas hədəfi MDB, Afrika və Ərəb ölkələri, eyni zamanda bir sıra balkan və Avropa şirkətləri ilə görüşlər keçirmək və məhsullarını tanıtmaq olub. Sözügedən ölkələr və şirkətlərlə bağlı qarşıya qoyulan hədəf uğurla həyata keçirilib və geniş əməkdaşlıq mövzuları müzakirə edilib.

Şirkət Türkiyənin ən nüfuzlu Tüyap-Reed İstanbul mərkəzində təşkil olunan Avrasiya Pəncərə 21-ci Beynəlxalq Pəncərə, Panjur, Cəbhə Sistemləri və Aksesuarları, Profil, İstehsalat Texnologiyası və Dəzgahları, İzolyasiya Materialları, Xammal və Tamamlayıcı Mallar Sərgisində istehsalı özünə məxsus olan və profil brendlərindən sayılan “EVAKS” adı altında iştirak etmişdir.

Eyni zamanda "Veliev" şirkətinin distribitoru olduğu Pimapen, Deceuninck, Winsa, Adopen, firmaları da əvvəlki illərdə olduğu kimi bu il də sərgidə uğurla təmsil olunublar.

Qeyd edək ki, "Veliev" şirkəti Azərbaycanın plastik qapı və pəncərə bazarında 15 ildir fəaliyyət göstərir.

Şirkət 2 ildən artıq zamandır ki, xarici ölkələrə məhsul ixracına başlayıb. Qarşıdan gələn illlərdə ixrac potensialını artırmaq qonşu ölkələr başda olmaqla, bir sıra MDB və Ərəb ölkələri ilə əməkdaşlıq "Veliev" şirkətinin qarşısına qoyduğu əsas prioritetlərdəndir.

TÜYAP sərgi mərkəzində keçirilən “Avrasia Qapı, Pəncərə və Şüşə 2020” (Eurasia Door, Eurasia Windows & Eurasia Glass 2020) beynəlxalq sərgisi Türkiyənin ən böyük və ən uzunmüddətli sərgisi olmaqla, dünyanın ilk on tikinti materialları sənayesi hadisələrindən biri kimi dəyərləndirilir. Bu tədbir Türkiyənin, həmçinin Orta Asiya və Afrika ölkələrinin tikinti sektorunda nüfuz qazanmaq istəyən tent və perqola sistemləri, alüminium və plastik qapı və pəncərə profilləri istehsal edən şirkətləri, cam balkon istehsalçıları, istehsal avadalıqları və aksesuarları, beynəlxalq şirkətlərin distribütor şirkətləri, inşaat və layihə işləri görən şirkətlər, memarlar, xam maddə istehsalçıları və bu sektorla əlaqəli digər şirkətlər üçün əsas platformadır.