Aktual mövzular: Dollar alış-satışı, Neftin qiyməti, COP29, Hava proqnozu

Futbolçular maaşın bir hissəsindən imtina etdi - 1 milyon avroluq qənaət

Tarix: 19 Mart 2020 17:22

Münhenqladbax "Borussiya"sının futbolçuları maaşlarının bir hissəsindən imtina ediblər.

Qol.az "Bild"ə istinadən xəbər verir ki, oyunçular koronavirus səbəbindən kluba dəyən maddi zərəri azaltmaq üçün bu addımı atıblar.

Məlumatı Bundesliqa təmsilçisinin idman direktoru Maks Eberl təsdiqləyib: "Uşaqlarla fəxr edirəm. Biz hamımız klubu pis və ya yaxşı vaxtlarda dəstəkləyirik. Oyunçular nələrisə "Borussiya"ya qaytarmaq istəyirlər. Almaniyada ilk klubuq ki, futbolçular maaşların azaldılmasına razılıq veriblər".

Bildirilir ki, bunun sayəsində klub təxminən 1 milyon avro qənaət edəcək.

Whatsapp ilə göndər