Aktual mövzular: Dollar alış-satışı, Neftin qiyməti, COP29, Hava proqnozu

Külli miqdarda zərgərlik məmulatının ölkəyə keçirilməsinin qarşısı alındı

Külli miqdarda zərgərlik məmulatının ölkəyə keçirilməsinin qarşısı alındı

Tarix: 24 Mart 2020 23:30

Hava Nəqliyyatında Baş Gömrük İdarəsinin əməkdaşları külli miqdarda zərgərlik məmulatının Azərbaycan Respublikasının gömrük sərhədindən bəyan etmədən keçirmə cəhdinin qarşısını alıblar.

Milli.Az Trend-ə istinadən bildirir ki, İstanbul-Bakı aviareysi ilə gələn Azərbaycan Respublikası vətəndaşı Heydər Əliyev Beynəlxalq Aeroportun T1 terminalında "Qırmızı kanal" buraxılış sistemi vasitəsi ilə gömrük nəzarətindən keçərkən, hərəkətlərində şübhə yarandığı üçün gömrük əməkdaşları tərəfindən saxlanılıb.

Daha sonra vətəndaşa rentgen aparatından keçmək təklif olunub. Nəticədə, vətəndaşın pul kisəsində, əl çantasında olan gödəkçənin cibində və üzərində əvvəlcədən gömrük orqanına təqdim edilməyən, elektron, yazılı formada bəyan edilməyən qızıl zərgərlik məmulatları - 6 ədəd üzük, 3 cüt sırğa, 5 ədəd boyunbağı, 8 ədəd qolbaq, 1 ədəd sırğa-üzük dəsti aşkarlanıb.

Ədliyyə Nazirliyi Məhkəmə Ekspertizası Mərkəzinin arayışına əsasən, aşkar edilən predmetlər ümumi çəkisi 188,34 qram olan 583/585 əyarlı qızıldan hazırlanmış zərgərlik məmulatlarıdır.

Faktla bağlı araşdırma aparılır.

Milli.Az


Etiketlər:  Külli miqdarda zərgərlik məmulatının ölkəyə keçirilməsinin qarşısı alındı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ