Aktual mövzular: Dollar alış-satışı, Neftin qiyməti, COP29, Hava proqnozu

Avroliqanın final oyunundan sonra metro ilə 43 min 529 sərnişin daşınıb - GECƏ

Tarix: 30 May 2019 18:32

Bakı. Samir Əli - Trend:

Bakıda keçirilən UEFA Avropa Liqasının final oyunu zamanı azarkeşlərin əksəriyyəti metro nəqliyyatı ilə daşınıb.

Bu barədə Trend-ə özəl açıqlamasında "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib.

Onun sözlərinə görə, final oyunu günü - mayın 29-da metro stansiyaları ilə adi günlərdən fərqli olaraq 162 min nəfərə yaxın çox sərnişin daşınıb: "Adi günlərdə metro nəqliyyatı ilə gün ərzində orta hesabla 600 min nəfərdən artıq sərnişin daşındığı halda, mayın 29-u axşam saat 00:00-a qədər 761 min 717 sərnişin daşınıb.

Mayın 30-u gecə saat 00:00-dan gecə saat 04:00-a kimi isə metro stansiyaları 43 min 529 nəfər sərnişin qəbul edərək mənzil başına çatdırıb. Eyni vaxtda isə təkcə "Koroğlu" stansiyasından 23 min 108 nəfər sərnişin istifadə edib".

Trend-in ən mühüm və maraqlı xəbərlərini "Telegram"da izləyin

Whatsapp ilə göndər