Aktual mövzular: Dollar alış-satışı, Neftin qiyməti, COP29, Hava proqnozu

Televizora baxmaq ürək çatışmazlığı xəstəliyi əmələ gətirir

Televizora baxmaq ürək çatışmazlığı xəstəliyi əmələ gətirir

Tarix: 24 Aprel 2020 21:57

Niderlandlı mütəxəssislər televizoru həddən artıq izləməyin ürək-damar sisteminə mənfi təsirini sübuta yetiriblər.

Sonxeber.net AZƏRTAC-a istinadən bildirir ki, alimlər bu araşdırma məqsədilə Britaniyada 40 yaşından 69 yaşadək təqribən 500 min insan barədə tibbi məlumatların toplandığı "UK Biobank" bazasından istifadə ediblər.

Alimlər aşkarlayıblar ki, müxtəlif cür oturaq tərzdə vaxt keçirmələr özündə ayrı-ayrı risklər daşıyır. Anketlərə görə, tədqiqat iştirakçıları televizor qarşısında gündə orta hesabla 2,8 saat, kompüter qarşısında isə 1 saat vaxt keçiriblər. 6 il ərzində 12,5 min nəfərdə ürəyin işemik xəstəliyi əmələ gəlib. Bu xəstələrin əksəriyyəti televizora baxmağı xoşlayanlardan ibarət olub. Kompüterdən istifadədə və avtomobil sürmədə bu əlaqələr müşahidə edilməyib.

Həkim-ekspertlərin sözlərinə görə, ürəyin və damarların sağlamlığı üçün Aralıq dənizi pəhrizi daha münasibdir. Xroniki iltihablarla mübarizədə sarımsaq və zeytun yağı kömək edir. Bu ərzaqların tərkibi orqanizmə ümumi sağlamlıq effekti verən allitsin və oleokantal maddələri ilə zəngindir.


Etiketlər:  Televizora baxmaq ürək çatışmazlığı xəstəliyi əmələ gətirir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ