Aktual mövzular: Dollar alış-satışı, Neftin qiyməti, COP29, Hava proqnozu

Yaxın günlərdə modul tipli ilk xəstəxananın açılışı olacaq

Yaxın günlərdə modul tipli ilk xəstəxananın açılışı olacaq

Tarix: 6 May 2020 18:12

Bakı. İlhamə İsabalayeva – Trend:

Yaxın günlərdə modul tipli ilk xəstəxananın, iyunun ayının ortalarına kimi isə digər xəstəxanaların açılışı gözlənilir.

Trend-in məlumatına görə, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Nazirlər Kabineti yanında Operativ Qərargahın bu gün keçirdiyi mətbuat konfransında deyib.

Onun sözlərinə görə, Prezident İlham Əliyevin təşəbbüsü ilə hazırda dövlət büdcəsindən ayrılan maliyyə vəsaiti hesabına ölkədə 6 modul tipli xəstəxana tikilir. Özəl sektor tərəfindən də 4 xəstəxana tikilir: “Hər bir xəstəxana 200 çarpayıdan ibarət olacaq. Bununla bizim üçün əlavə 2000 çarpayı imkanı yaradılacaq. Həmin xəstəxanalar tam olaraq oksigenlə təchiz olunacaq. Azərbaycanda yoluxma halı daha çox artarsa, biz bu xəstəxanalardan da istifadə edərək koronavirus xəstələrimizi orada tam rahat şəkildə yerləşdirə biləcəyik”.

Z.Əliyev qeyd edib ki, modul tipli xəstəxanalar həm Bakıda, həm də regionlarda tikilir.


Etiketlər:  Yaxın günlərdə modul tipli xəstəxananın açılışı olacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ