Aktual mövzular: Dollar alış-satışı, Neftin qiyməti, COP29, Hava proqnozu

''Azərbaycanlı aktyordan rejissorla bağlı iddia: ''Qızlara əxlaqsız təklif edir'' - VİDEO

Tarix: 12 May 2020 16:57

ATV-də yayımlanan "Aldanmış hisslər" serialının aktyoru Famiz Hüseynov ekran işinin rejissoru Faiq Nağıyevlə bağlı iddia ortaya atıb.

Sonxeber.net axşam.az-a istinadən xəbər verir ki, bunla bağlı sosial şəbəkədə video paylaşan sənətçi rejissorun seriala çəkilən qızlara əxlaqsız təkliflər etdiyini söyləyib. O, eyni zamanda, qonorarların ödənilmədiyini bildirib:

""Aldanmış hisslər" serialında çəkilirdim, bu gündən imtina etdim, uzaqlaşıram. Səbəb isə odur ki, rejissor Faiq Nağıyev özbaşınalıq edir. Aktyorların pulunu kəsir, haqsızlıq edir. Haqsızlığa dözə bilmərəm.

Seriala gələn bütün gənc qızlara müəyyən pis, iyrənc təkliflər edir. Onların müqabilində ekran işinə çəkəcəyini deyir. Deyir ki, serialıma çəkilmək istəyirsənsə, aramızda münasibət olmalıdır. Orada çəkilənlərin günahına girə bilmərəm, o yoldan keçiblər, ya yox.

O rejissordan uzaq olun. Elə rejissorlar filmə, sənətə ləkədir".

Whatsapp ilə göndər