Aktual mövzular: Dollar alış-satışı, Neftin qiyməti, COP29, Hava proqnozu

Ukrayna hökuməti hesab edir ki, ölkədə COVID-19 xəstələrinin sayının kəskin artmasına səbəb məhdudiyyətlərin yumşaldılmasıdır

Ukrayna hökuməti hesab edir ki, ölkədə COVID-19 xəstələrinin sayının kəskin artmasına səbəb məhdudiyyətlərin yumşaldılmasıdır

Tarix: 24 Iyun 2020 09:36

Bakı. Trend:

Aprelin 20-dən bu günə qədər Ukraynada aktiv COVID-19 xəstələrinin sayı 386 faiz artaraq 20.083 nəfərə çatıb.

Trend-in məlumatına görə, bu fakt Ukrayna İctimai Sağlamlıq Mərkəzi tərəfindən elan edilib.

Orta hesabla əhalinin hər 100 min nəfərinə 48 xəstə düşür. Bu, nisbətən yüksək göstəricidir.

Xəstələnməsi təsdiq edilmiş aktiv xəstələrin sayının gündəlik artımı əvvəlki ilə müqayisədə 4,1 faiz yuxarı olub.

Xəstələnənlər arasında qadınlar 57,6 faiz, 30-69 yaşlı insanlar 72,5 faiz təşkil edir.

İyunun 23-ü üçün olan məlumata görə, Ukraynada laboratoriya tədqiqatları ilə təsdiq edilmiş 38.074 nəfər COVID-19 xəstəsi var. Onlardan 833 nəfəri son gün ərzində aşkar edilib. Sağalanların sayı artaraq 16.956 nəfərə çatıb (44,5 faiz), 1.035 nəfər ölüb (2,7 faiz).

Qeyd edək ki, Ukraynada son 2 həftədə koronaviruslu xəstələrin nisbətən böyük birgünlük artımı müşahidə olunur. Ukrayna hökuməti, o cümlədən Səhiyyə Nazirliyi hesab edir ki, bu artımın əsas səbəbi karantin məhdudiyyətlərinin zəiflədilməsi və əhalinin müəyyən edilmiş qaydalara riayət etməməsidir.


Etiketlər:  Ukrayna hökuməti hesab edir ölkədə COVID xəstələrinin sayının kəskin artmasına səbəb məhdudiyyətlərin yumşaldılmasıdır


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ