Aktual mövzular: Dollar alış-satışı, Neftin qiyməti, COP29, Hava proqnozu

''Yuventus'' - ''Atalanta'' matçında sülh

Tarix: 12 Iyul 2020 10:02

İtaliya A seriyasında XXXII turun mübarizəsi başlayıb.

Sonxeber.net apasport.az-a istinadən bildirir ki, ilk gündə iddialılar meydana çıxıb.

İkinci pillədəki "Latsio" avrokubokları hədəfləyən "Sassuolo"nu qəbul edib. Romalılar hesabı açsa da, qonaq komanda gözlənilmədən əzmkar qələbə qazanıb.

Paytaxtın digər klubu "Roma" "Breşiya" səfərində 3 xalı 3 cavabsız qolla əldə edib.

Turun mərkəzi oyunu Turində baş tutub. Lider "Yuventus" 3-cü yerdə qərarlaşan "Atalanta"nı qəbul edib. Əla formada olan və A seriyasının bərpasından sonra keçirdiyi ardıcıl 6 oyunda qələbə qazanan qonaq komanda qalibiyyəti Kriştianu Ronaldunun penaltidən vurduğu 2 qol sayəsində əldən verib.

Qeyd edək ki, turun digər matçları 12-13 iyulda baş tutacaq.

İtaliya A seriyası
XXXII tur
11 iyul
"Latsio" - "Sassuolo" - 1:2
Alberto, 33 - Raspadori, 52; Kaputo, 90+1
"Breşiya" - "Roma" - 0:3
Fazio, 48; Kaliniç, 62; Zaniolo, 74
"Yuventus" - "Atalanta" - 2:2
Ronaldo, 55 (pen.), 90 (pen.) - Zapata, 16; Malinovski, 81

Whatsapp ilə göndər