Aktual mövzular: Dollar alış-satışı, Neftin qiyməti, COP29, Hava proqnozu

Bəzi rayonlarda leysan yağıb, çaylardan sel keçib - Faktiki hava

Tarix: 14 Iyul 2020 14:52

Ölkə ərazisində faktiki hava açıqlanıb.

Milli Hidrometeorologiya Xidmətindən Sonxeber.net-a verilən məlumata görə, iyulun 14-ü səhərədək bəzi şimal və qərb rayonlarında şimşək çaxıb, yağış yağıb, ayrı-ayrı yerlərdə leysan xarakterli intensiv olub.

Düşən yağışın miqdarı Daşkəsən rayonu Dəstəfurçay-Qaraqollarda 45, Gədəbəydə 35, Daşkəsəndə 16, Göygöldə 13, Xınalıqda 10, Qrızda 6, Balakən, Ordubadda 4, Şahdağ, Ağdərə (Ordubad), Sədərəkdə 2, Tərtər, Gəncə, Şəmkir, Ağdam, Ağstafa, Naxçıvanda 1 mm-dək olub. Yağan leysan xarakterli yağış nəticəsində Yuxarı-Ağcakənd ərazisində Gorançaydan, Daşkəsən rayonu Dəstəfurçay-Qaraqollardan, Gədəbəy rayonu Şəmkirçay-Qalakənddən, Şəmkir Mansırlıdan, Əsrikçay Ədrikçırdaxamdan, Qəbələ rayonu Vəndam çayından sel keçib.

Havanın temperaturu iqlim normasından 1.5 dərəcə yuxarı olub, havanın maksimal temperaturu Bakıda və Abşeron yarımadasında 30-35, aran rayonlarında 33-37, dağlıq rayonlarda 25 dərəcəyədək, Naxçıvan MR-da 29-33 dərəcə isti olub.

Whatsapp ilə göndər