Aktual mövzular: Dollar alış-satışı, Neftin qiyməti, COP29, Hava proqnozu

Yeni Agentlik məişət zorakılığından zərər çəkmişlərin sosial müdafiəsi və psixoloji yardımla təminatı üçün də tədbirlər görəcək

Yeni Agentlik məişət zorakılığından zərər çəkmişlərin sosial müdafiəsi və psixoloji yardımla təminatı üçün də tədbirlər görəcək

Tarix: 17 Iyul 2020 14:24

Bakı. Trend:

Prezident İlham Əliyevin müvafiq Fərmanı ilə Əmək və Əhalinin Sosial Müdafiəsi Nazirliyinin tabeliyində yaradılan Sosial Xidmətlər Agentliyi məişət zorakılığının qarşısının alınması ilə bağlı sosial tədbirlərin görülməsini də təmin edəcək.

Nazirlikdən Trend-ə verilən məlumata görə, Agentlik bu istiqamətdə fəaliyyətini “Məişət zorakılığının qarşısının alınması haqqında” Qanuna uyğun təşkil edəcək və məişət zorakılığından zərər çəkmiş şəxslərin sosial müdafiəsi, onlara psixoloji yardım göstərilməsi üçün müvafiq işləri aparacaq. Bu məqsədlə Agentliyin Nizamnaməsində onun hüquq və vəzifələri sırasına dövlət yardım mərkəzləri yaratmaq və qeyri-dövlət yardım mərkəzlərini akkreditasiyadan keçirmək də daxil edilib.

Ümumilikdə isə Agentlik sosial xidmətə ehtiyacı olan şəxslərə, ailələrə “Sosial xidmət haqqında” Qanunla müəyyən edilmiş forma və növlər üzrə sosial xidmət göstərilməsi, onların sosial müdafiəsi və rifahının yaxşılaşdırılması, övladlığagötürmə ilə bağlı dövlət siyasətinin və tənzimləmənin həyata keçirilməsi sahəsində fəaliyyət göstərən publik hüquqi şəxsdir.


Etiketlər:  Yeni Agentlik məişət zorakılığından zərər çəkmişlərin sosial müdafiəsi psixoloji yardımla təminatı üçün tədbirlər görəcək


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ