Aktual mövzular: Dollar alış-satışı, Neftin qiyməti, COP29, Hava proqnozu

Göydələnlərdə alovla mübarizə aparan yanğınsöndürən dron təqdim edilib

Göydələnlərdə alovla mübarizə aparan yanğınsöndürən dron təqdim edilib

Tarix: 8 Avqust 2020 07:04

Hava taksisi kimi istifadə edilməsi planlaşdırılan sürücüsüz idarə olunan sərnişin dronu ilə tanınan Çinin "EHang" şirkəti onun əsasında hündür mərtəbəli binalarda yanğınların söndürülməsi üçün nəzərdə tutulmuş dron hazırlayıb.

Sonxeber.net ictnews.az-a istinadən bildirir ki, dron yanğına qarşı köpüklə doldurulmuş 150 litr çənə və uzun su şırnağına malikdir. Kabinanın üstündə altı mərmidən ibarət yanğın əleyhinə "bombalar" üçün atıcı yerləşdirilib. Yüksək sürətlə uçan bu "bombalar" şüşələri dəlib keçən kəskin və bərk ucluğa malikdirlər. Dron nişanlama üçün lazer göstəricisinə və kameraya malikdir.

Hələ ki dron yarım avtonom rejimdə işləyə bilir. Bu o deməkdir ki, aparat yanğınsöndürmə stansiyasından söndürmə yerinə müstəqil uça bilir, lakin alovla mübarizə prosesini operator idarə edir. Şirkətin iddiasına görə, pilotsuz uçan aparat hündürlüyü 600 metrədək göydələnlərdə yanğını söndürə bilər. Qısamüddətli təqdimat çarxı pilotsuz uçan aparatın kiçik yanğınlarla mübarizədə səmərəli olduğunu göstərir.


Etiketlər:  Göydələnlərdə alovla mübarizə aparan yanğınsöndürən dron təqdim edilib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ