Aktual mövzular: Dollar alış-satışı, Neftin qiyməti, COP29, Hava proqnozu

Əmir Ağayev də millimizin toplanışına qoşulmayacaq

Tarix: 28 Avqust 2020 14:46

Xəbər verdiyimiz kimi, AFFA hazırda Yunanıstanın "Atromitos" klubunda çıxış edən futbolçu Əmir Ağayevin Azərbaycan milli komandasında çıxış edə bilməsi üçün müvafiq qaydada FIFA-ya müraciət ünvanlayıb.

Qol.az xəbər verir ki, hazırda məsələyə FIFA-nın müvafiq komissiyasında baxılır və AFFA ilə FIFA arasında zəruri sənədlərin dövriyyəsi davam edir.

Millimizin təlim-məşq toplanışına artıq avqustun 27-də start verilməsi və yuxarıda qeyd olunan məsələ ilə bağlı FIFA tərəfindən hələ ki yekun qərarın qəbul olunmaması nəzərə alınaraq, Əmir Ağayev millimizə qoşulmayacaq.

Qeyd edək ki, Azərbaycan milli komandası UEFA Millətlər Liqasında sentyabrın 5-də Lüksemburqu qəbul edəcək, sentyabrın 8-də isə Kiprin qonağı olacaq.

Xatırladaq ki, millimizin ölkə xaricində çıxış edən daha iki üzvü - Dmitri Nazarov və Eddi İsrafilov da Bakıya gəlməyəcəklərini açıqlayıblar.

Whatsapp ilə göndər