Aktual mövzular: Dollar alış-satışı, Neftin qiyməti, COP29, Hava proqnozu

''Messi vecimə də deyil''

''Messi vecimə də deyil''

Tarix: 14 Sentyabr 2020 15:30

"Mançester Siti"nin yarımmüdafiəçisi Kevin De Bruyne "Barselona"nın kapitanı Lionel Messinin transferinin baş tutmamasına münasibət bildirib.

Sonxeber.net sportinfo-ya istinadən xəbər verir ki, belçikalı ulduz argentinalının Kataloniya təmsilçisində qalmasına üzülmədiyini söyləyib.

De Bruyne hətta bu məsələni vecinə almadığını vurğulayıb: "Həqiqətən də, Messinin "Mançester Siti"yə gəlməməyi vecimə deyil. Əlbəttə, komandamıza keçsəydi, bizə kömək olardı.

Çünki o, bütün zamanların ən yaxşı futbolçusudur. Ancaq kimin gələcəyinə və nələrin olacağına heç vaxt fikir vermirəm. Komandada olan futbolçularla oynayıram.

Bu mənada olduqca yaxşı komandamız olduğunu düşünürəm. Kimsə bizə qoşulsa, nə olacağını düşünmək axmaqlıqdır".

"Barselona" Messinin keçidi üçün 700 milyon avro təzminat tələb etdiyindən, "Mançester Siti" ilə 5 illik müqaviləni razılaşdıran futbolçu daha bir il komandasında qalmaq qərarına gəlib.


Etiketlər:  Messi vecimə deyil


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ