Aktual mövzular: Dollar alış-satışı, Neftin qiyməti, COP29, Hava proqnozu

“Samsung” şirkəti “Galaxy S20 FE” smartfonunu nümayiş etdirib

“Samsung” şirkəti “Galaxy S20 FE” smartfonunu nümayiş etdirib

Tarix: 24 Sentyabr 2020 14:09

“Samsung Electronics” şirkəti mövcud qabaqcıl modellərin sadələşdirilmiş versiyası olan “Galaxy S20 Fan Edition” (FE) smartfonunu təqdim edib.

 

“ICTnews” Elektron Xəbər Xidməti “ria.ru” saytına istinadən yazır ki, “Galaxy S20 FE” smartfonu 32 mp-lik ön kameraya malik 6,5 düymlük displeylə təchiz edilib. Ekran təsviri 120 hers tezlikdə yeniləmək imkanına malikdir. Kamera bloku üç sensordan ibarətdir – optik sabitləşmə sisteminə malik 12 mp-lik, eyni təsvir ölçülü olduqca genişbucaqlı obyektiv və 8 mp-lik üçqat optik zuma malik telefotokamera.

 

Çipset 7 nanometrlik texnoloji proses üzrə hazırlanıb və 2,7 QHs maksimal tezlikdə işləyir. 6 QB əməli yaddaş və 128 QB daxili yaddaş quraşdırılıb. Sonuncu “microSD” yaddaş kartının köməyi ilə artırıla bilər.

 

Yeni smartfon başqa cihazları da enerji ilə yükləyə bilən simsiz enerjidoldurma qurğusuna malikdir. Akkumulyatorun tutumu 4500 milliamper/saatdır.

 

Oktyabrın 9-da “Galaxy S20 FE” smartfonunun satışına başlanılacaq.

 

Emil Hüseynov




Etiketlər:  Samsung şirkəti Galaxy smartfonunu nümayiş etdirib


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ