Aktual mövzular: Dollar alış-satışı, Məzənnə, Neftin qiyməti

Rus həkimin korona açıqlaması çaşqınlıq yaratdı

Rus həkimin korona açıqlaması çaşqınlıq yaratdı

Tarix: 28 Sentyabr 2020 23:36

Bütün yaş kateqoriyalarında insan orqanizmi koronavirus infeksiyasına həssasdır.

Milli.Az xəbər verir ki, bu sözləri axar.az-a açıqlamasında Azərbaycan Tibb Universitetinin yoluxucu xəstəliklər kafedrasının assistenti, həkim-infeksionist Vüqar Cavadzadə tanınmış rus həkim Yelena Malışevanın uşaqların koronavirusun daşıyıcısı olmadığı haqda iddiasına münasibət bildirərkən deyib.

O bildirib ki, uşaqlar birmənalı olaraq koronavirus infeksiyasına yoluxa bilər:

"Koronavirus infeksiyasına yoluxmuş uşaqlar xəstəliyi əsasən yüngül şəkildə, yaxud da ümumiyyətlə, simptomsuz keçirə bilər. Lakin uşaqlarda sözügedən xəstəliklə yanaşı gedən hər hansı başqa bir xəstəlik mövcud olarsa, onlar virusu ağır keçirə bilər və hətta ölümlə də nəticələnə bilər. Dünya statistikasına baxsaq, uşaqlar arasında koronavirusdan ölüm dərəcəsi 1 faizdir. Öz təcrübəmdən deyə bilərəm ki, uşaqlar həqiqətən bu virusa yoluxa bilir. Bununla yanaşı uşaqlar böyüklərin yoluxmasında birbaşa rol oynaya bilirlər".

Qeyd edək ki, Ümumdünya Səhiyyə Təşkilatı ümumi yoluxma hallarının 8,5 faizini 18 yaşına çatmamış uşaqların təşkil etdiyini bəyan etsə də, tanınmış rus həkim, teleaparıcı Yelena Malışeva sağlamlıq haqda olan verilişində uşaqların koronavirusun daşıyıcısı olmadığını iddia etmişdi.

Milli.Az


Etiketlər:  Rus həkimin korona açıqlaması çaşqınlıq yaratdı


RƏYLƏR



Populyar Xəbərlər

XƏBƏR LENTİ