Aktual mövzular: Dollar alış-satışı, Məzənnə, Neftin qiyməti

“E-sosial” portalından aktiv istifadə edənlərin sayı 800 minə çatdı

“E-sosial” portalından aktiv istifadə edənlərin sayı 800 minə çatdı

Tarix: 16 Oktyabr 2020 16:30

Bakı. İlhamə İsabalayeva - Trend:

Əmək və Əhalinin Sosial Müdafiəsi Nazirliyinin geniş funksional imkanlara malik “e-sosial” internet portalından aktiv şəkildə istifadə edənlərin sayı bu il də ciddi şəkildə artaraq 800 minə çatıb.

Nazirlikdən Trend-ə verilən məlumata görə, portaldan istifadə sayı 41,1 milyon dəfə olub.

Ölkənin sosial reyestri olan portal vətəndaşlara onlar barədə əmək, məşğulluq, sosial müdafiə, pensiya, müavinət, əlillik, reabilitasiya və s. üzrə məlumatlara çıxış və 100-dən çox sosial xidmət növündən yaranmış hüquqları müqabilində onlayn rejimdə faydalanmaq imkanı yaradır. Portalın Android və İOS əməliyyat sistemləri üçün tətbiqləri də fəaliyyət göstərir.

Xatırladaq ki, beynəlxalq internet saytları üzrə istifadə statistikalarını paylaşan alexa.com saytının (ABŞ, San-Fransisko) bu ilin aprelində açıqladığı “Azərbaycanın top saytları” siyahısında e-sosial.az portalı ölkəmizdə ən çox müraciət olunan saytların ilk beşliyində (google.com, youtube.com, google.az, wikipedia.org saytları ilə birgə) qərar tutmuşdu.


Etiketlər:  E sosial portalından aktiv istifadə edənlərin sayı 800 minə çatdı


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ