Aktual mövzular: Dollar alış-satışı, Neftin qiyməti, COP29, Hava proqnozu

Torpaqlarımızın azad edilməsi nəticəsində dağ otlaqlarımız da özümüzə qayıdır - İnstitut

Torpaqlarımızın azad edilməsi nəticəsində dağ otlaqlarımız da özümüzə qayıdır - İnstitut

Tarix: 19 Noyabr 2020 10:09

İşğal altında olan torpaqlarımızın azad edilməsi nəticəsində dağ otlaqlarımız da özümüzə qayıdır.

Sonxeber.net bildirir ki, bunu Trend-ə Azərbaycan Milli Elmlər Akademiyası Torpaqşünaslıq və Aqrokimya İnstitutunun direktoru Əlövsət Quliyev deyib.

Laçın və Kəlbəcərdə otlaq sahələrinin daha çox olduğunu vurğulayan Ə.Quliyev qeyd edib ki, bu, ölkədə ətçilik və südçülük sahələrinin inkişafına imkan yaradacaq:

"Bu otlaqların çox böyük imkanları var. Füzuli, Cəbrayıl, Zəngilan, Ağdam isə əkinçilik üçün ən məhsuldar torpaqları olan rayonlardır".

Həmin ərazilərdə qədim suvarma əkinçiliyi mədəniyyətinin olduğunu vurğulayan institut direktoru qeyd edib ki, bu torpaqlarda AMEA-nın və Kənd Təsərrüfatı Nazirliyinin mütəxəssisləri tərəfindən tədqiqat aparılmalıdır. Tədqiqatlardan sonra bu torpaqlardan hansı məqsədlə istifadə edilə biləcəyi müəyyən olunmalıdır:

"Bu torpaqlarda aqrar sahənin inkişafı üçün böyük imkanlar var və biz o imkanları müəyyən etməliyik. İşğaldan əvvəl ən münbit torpaqlar Ağdam və Füzuli ətrafında idi. Burada pambıqçılıq üçün əlverişli imkanlar olub".


Etiketlər:  Torpaqlarımızın azad edilməsi nəticəsində dağ otlaqlarımız özümüzə qayıdır İnstitut


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ