Hesab.az-da “2QAT Sevinc” kampaniyasının vaxtı uzadıldı

Tarix: 25 Noyabr 2020 11:48

Bakı. Trend:

Yenilməz Ordumuzun qazandığı şanlı qələbə ilə bir daha torpaqlarımızın bütöv, bölünməz olduğunu və xalq olaraq birliyimizi hər kəsə sübut etmiş olduq.

Hesab.az da, xalqımızın Qələbə sevincinə daha bir sevinc qatmaq məqsədiylə 10 Noyabr tarixindən etibarən “2QAT Sevinc” kampaniyasına başladı. Kampaniya 10- 22 Noyabr tarixlərində nəzərdə tutulurdu. Nəhayət 20 Noyabr tarixində qəlblərimizi böyük qürur və fəxarət hissi ilə dolduran, Ağdamın işğaldan azad olunması xəbərini bayram etdik və bir daha Qələbə sevincimiz yeniləndi. Xalqımızın sevincinə töhfə vermək və sevinclərini 2 qat artırmaq üçün ay sonuna kimi kampaniya tarixi uzadıldı və hələ də iştirak edə bilməyən istifadəçilərə bu fürsətdən yararlanmaq imkanı yaradılmış oldu. Beləliklə də, 10 Noyabrdan etibarən başlayan kampaniyada son iştirak tarixi 30 Noyabr olacaq. Tələsin və hələ də gec olmadan kampaniyada iştirak edin!

Belə ki, kampaniya çərçivəsində Hesab.az-da qeydiyyatlı olaraq ödəniş edən bütün istifadəçilər 10-30 Noyabr tarixlərində etdikləri ödənişlər üçün iki qat Bonus yaxud Hesab Koin qazanacaqlar. Ətraflı: https://bit.ly/35dcRrA

Məlumat üçün bildirək ki, “Qazananlar Klubu” Hesab.az-ın sadiqlik proqramı çərçivəsində təqdim edilir və Hesab.az-da qeydiyyatlı olan yaxud yeni qeydiyyatdan keçən bütün istifadəçilər “Qazananlar Klubu”-na avtomatik qoşulurlar. Ödənişləri müqabilində bonuslar toplaya və ya seçimi dəyişərək Hesab Koin qazana bilirlər. “Qazananlar Klubu” çərçivəsində istifadəçilər qazandıqları bonusları “Dərhal dəyiş” bölməsində sərfəli kampaniya və endirimlərə dəyişə bilirlər və ya növbəti ödənişləri üçün istifadə edə biləcəkləri Hesab Koinlər qazanırlar.

“Qazananlar Klubu”-nun yaxşı tərəflərindən biri də odur ki, istifadəçilər Hesab.az-da seçimlərini hər zaman dəyişə bilərlər, lakin qazandıqları bonuslar və Hesab Koinlər bu dəyişiklikdən heç bir şəkildə təsirlənmir .

Azərbaycanda ən böyük onlayn ödəmələr şirkəti GoldenPay 2007-ci ilin iyul ayında yaradılıb. Şirkət texniki işlərin yekunlaşması, “Visa” və “MasterCard” beynəlxalq ödəniş sistemlərindən müvafiq sertifikatların alınmasından sonra 2008-ci ilin dekabr ayında fəaliyyətə başlayıb.

2011-ci ilin aprel ayında GoldenPay şirkəti Hesab.az - Azərbaycanın ən böyük onlayn xidmətlər platformasını yaradıb. Hesab.az-da müxtəlif kommunal, stasionar və mobil rabitə, internet, bank kreditlərinin ödənişi, onlayn sığorta, kinoteatra bilet və sair xidmətlərin alışı /ödənişi mümkündür.