Aktual mövzular: Dollar alış-satışı, Neftin qiyməti, COP29, Hava proqnozu

Koronavirusun yeni, daha ağır mutasiyası aşkar olunub

Koronavirusun yeni, daha ağır mutasiyası aşkar olunub

Tarix: 19 Dekabr 2020 07:51

Cənubi Afrika Respublikasında (CAR) genetiklər ölkə üçün koronavirusun yeni növ mutasiyasını aşkar ediblər. Virus infeksiyanın ölkə ərazisində yayılmasının ikinci dalğası dövrünə aid hesab olunur.

Sonxeber.net APA-ya istinadən xəbər verir ki, bu barədə ölkənin Səhiyyə Nazirliyi açıqlama yayıb.

Virusun 501.V2 adlanan variantı əvvəllər qeydə alınmış digər mutasiyalardan fərqli olaraq daha sürətli yayılır. Bundan başqa, CAR-ın Səhiyyə Nazirliyinin açıqlamasına görə, 501.V2 birinci dalğa dövrü ilə müqayisədə, yanaşı xəstəlikləri olmasa da, gənc insanlar arasında daha tez-tez ağır formalı COVID-19-a səbəb olur.

Qeyd edilir ki, yeni mutasiya CAR-da ilk dəfə qeydə alınmamışdan əvvəl ona bir sıra ölkələrdə, o cümlədən Britaniya və Avstraliyada da rast gəlinib.

Ölkənin səhiyyə naziri Zveli Mhize bildirib ki, yeni növ koronavirus bir qədər narahatlıq yaratmasına baxmayaraq, əhalinin təşvişə düşməsinə ciddi səbəb yoxdur. O, maska və əlcək taxmağın, həmçinin pandemiya səbəbindən tətbiq olunan qaydalara riayət etməyin vacib olduğunu bildirib.


Etiketlər:  Koronavirusun yeni daha ağır mutasiyası aşkar olunub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ