Aktual mövzular: Dollar alış-satışı, Neftin qiyməti, COP29, Hava proqnozu

Fatih Terimin qırmızı vərəqə almasının səbəbi

Tarix: 19 Dekabr 2020 09:36

Türkiyə Super Liqasının XII turunda "Fatih Karagümrük"lə oyun "Qalatasaray" üçün uğursuz alınıb.

Sonxeber.net apasport.az-a istinadla bildirir ki, səfər matçında 1:2 hesabı ilə məğlub olan "cim-bom"da baş məşqçi Fatih Terim 69-cu dəqiqədə texniki zonadan qovulub.

Oyun ərzində bir neçə dəfə baş hakim Mustafa Öyretmenoğlunun qərarlarına etiraz edən təcrübəli mütəxəssis 69-cu dəqiqədəki epizod zamanı "sən necə hakimsən?" deyə qışqırıb. Bu səbəbdən referi qırmızı vərəqə ilə onu texniki zonadan qovub.

Terim tribunalara tərəf yollanarkən daha ağır ifadələr işlədib: "Evdə danışarsan ki, Fatih hocanı qovdum. Tərbiyəsiz, əxlaqsız. Sən nə futbolu, nə də hakimliyi bilirsən. Səndən gözətçi də olmaz".

Qeyd edək ki, "Qalatasaray" hazırda 23 xalla turnir cədvəlinin ikinci, "Fatih Karagümrük" isə 20 xalla dördüncü pillədə qərarlaşıb.

Whatsapp ilə göndər