Aktual mövzular: Dollar alış-satışı, Neftin qiyməti, COP29, Hava proqnozu

Başından yaralansa da, döyüşə davam edən, bədənində 79 qəlpə gəzdirən qazimiz - FOTO

Başından yaralansa da, döyüşə davam edən, bədənində 79 qəlpə gəzdirən qazimiz - FOTO

Tarix: 20 Dekabr 2020 21:42

Vətən Müharibəsinin qəhrəmanlarından biri də Balakən rayonunun Qazma kəndində anadan olmuş Hacı Muradovdur.

Milli.Az bildirir ki, 31 yaşlı Hacı ixtisasca tarix müəllimidir. O, öz ixtisası üzrə deyil, hərbçi kimi fəaliyyət göstərməyə, vətənin keşiyində dayanmağa üstünlük verib.

44 günlük İkinci Vətən Müharibəsi başlayan ilk gündən döyüşlərə qatılıb. Sentyabrın 27-dən Kəlbəcər istiqamətindəki döyüşlərdə iştirak edən Hacı Muradov oktyabrın 1-də başından yaralanıb, buna baxmayaraq, döyüşə davam edib.

Cəmi bir gün sonra, okyabrın 2-də qolundan snayper gülləsi ilə yaralanıb. Döyüşçü yoldaşları onu savaş bölgəsindən çıxararaq hospitala yerləşdiriblər. İlkin cərrahi əməliyyat zamanı igidimizin başından 7 sm uzunluğunda qəlpə çıxarılıb.

Hazırda qazimizin bədənində 79 qəlpə var, riskli yerlərdə olduğu üçün çıxarılmayıb. O, ev şəraitində müalicəsini davam etdirir.

Qeyd edək ki, qəhrəmanımızın iki qız övladı var. Hacının rütbəcə mayor olan hərbçi qardaşı da İkinci Vətən Müharibəsinin Qəhrəmanlarındandır.

Bir neçə gün öncə Ali Baş Komandan tərəfindən "Vətən uğrunda" medalı ilə təltif olunub. (ölkə.az)

Milli.Az


Etiketlər:  Başından yaralansa döyüşə davam edən bədənində qəlpə gəzdirən qazimiz FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ